Kama sehemu ya juhudi za kuchochea maendeleo ya kiroho na binafsi kwa washarika wetu, Kanisa linabuni na kutekeleza miradi yenye tija inayolenga kuboresha maisha ya kiroho, kijamii, na kiuchumi.
Miradi hii inalenga kuimarisha mshikamano wa jamii ya waumini, kukuza imani, na kuandaa mazingira bora ya utumishi kwa Mungu. Tunakukaribisha kushirikiana nasi katika kufanikisha maono haya makubwa kwa utukufu wa Mungu.
Kanisa limejikita katika kupanua maeneo yake ili kuboresha huduma kwa washarika na jamii inayotuzunguka. Ununuzi wa viwanja unalenga kuongeza nafasi kwa ujenzi wa miundombinu mipya kama majengo ya ibada, ofisi, na maeneo ya mikutano, ili kuwezesha mahitaji yanayoongezeka ya waumini na kukuza huduma bora.
Vijana ni nguzo muhimu ya Kanisa na jamii kwa ujumla. Mradi huu unalenga kuwawezesha vijana kwa kuwapa mafunzo maalum ya uongozi, mbinu za kimkakati, na stadi za maisha. Hii itawasaidia kuwa viongozi wa mfano katika Kanisa na jamii, wakiwa na uwezo wa kuchangia maendeleo ya kiroho na kijamii.
Huduma za muziki ni sehemu muhimu ya sifa na ibada ndani ya Kanisa. Mradi wa kununua vyombo vya muziki unalenga kuboresha ubora wa huduma za kusifu na kuabudu, na kuhamasisha ushiriki wa waumini katika huduma za kiroho kupitia nyimbo zenye nguvu na zenye kugusa roho.
